

D2818

།ཐོད་པར་ལུས་བཅུག་རྡོ་རྗེས་བཅིང་། །ཞུ་ལུབ་བ་སྤུ་གླང་ཆེན་གོས། །མགལ་དུམ་གའུ་གཞལ་མེད་ཁང་། །རྣལ་འབྱོར་ཆེན་པོ་བདག་དང་གནས། །བཅིང་བས་བཅིངས་པར་ཤེས་པར་བྱ། །ར་བ་བསྲུང་བའི་ཆོ་ག་རྫོགས་སོ།།[་]@#། །འཕགས་པ་ཐུགས་རྗེ་ཆེན་པོ་ཐུགས་རྗེ་ཁྲོས་པ་ལ་ ཕྱག་འཚལ་ལོ།།མ་ལུས་ཡོན་ཏན་རྒྱ་མཚོའི་མཐས་ཀླས་པས། །འགྲོ་བའི་དོན་དུ་རྨད་བྱུང་ཤིན་ཏུ་གྲགས། །སྟོབས་བཅུ་ལྷ་དང་མི་ལུས་རྣམ་རྒྱལ་བ། །གཙོ་བོ་ཉིད་གཅིག་ཐུགས་རྗེས་ཁྲོས་ལ་འདུད། །སྙིང་རྗེ་ཤེས་རབ་འོད་གསལ་ཤེས་རབ་དག་།གཉིས་མེད་གཉིས་སུ་རབ་སྟོན་པ། །དེ་མིང་ཐུགས་ རྗེ་ཆེན་པོའོ།།གདུལ་བྱའི་དོན་མཐོང་རང་བཞིན་དང་། །ཅིག་ཤོས་ཞི་དང་ཞི་བྲལ་དང་། །གདུལ་བྱ་རྣམས་ཀྱི་དོན་ཕྱིར་ནི། །དཔལ་ལྡན་བཟང་ཁྲོས་པར་སྣང་བ། །ཉིན་མཚན་ཟླ་བ་དཀར་དང་ནག་།དུལ་བ་དང་ནི་གདུག་པ་དང་། །གཉིས་ལ་གཉིས་མཛད་མགོན་པོ་མཆོག་།ཆ་ལུགས་གཉིས་ཀྱིས་གཉིས་ བྱའོ།།བདག་ཉིད་རྡོ་རྗེ་ཆེན་པོ་ཡི། །བསྲུང་བས་གཟི་བྱིན་བསྐྱེད་པའི་རྗེས། །དེ་ཡི་གནས་དང་ལུས་བསྐྱབ་པའང་། །ཇི་བཞིན་ཅིག་ཅར་ཐོག་ཐག་བརྟག་།ོཾ་ཨཱཿཧྲཱིཿཧཱུཾ། ཨོཾ་ཨཱཿཧྲཱིཿཧོ། ཨོཾ་ཨཱཿཧྲཱིཿཧཿ། ཨོཾ་ཨཱཿཧྲཱིཿཕཊ། རྒྱ་གྲམ་གཟུགས་ཀྱིས་བཞད་པའི་ཞལ། །གནམ་ལྕགས་རྒྱུན་སྒྲ་སྔགས་ཀྱི་ ་ལྕེས།